Уписи на првачиња 2020/2021
Упис на првачиња
Почитувани родители, драги наши ученици,
Ве известуваме дека оваа година уписот на првачињата за учебната 2020/2021 година ќе се реализира во согласност со новонастанатата состојба, поради светската пандемија од вирусот COVID -19.
Од овие причини уписот на првачињата ќе се изведе на следниот начин:
Сите заинтересирани родители можат да ја симнат апликацијата за упис на прваче (овде), истата да ја пополнат и да ја испратат на училишниот меил: Оваа е-адреса е заштитена од спамботови. Треба да ви е овозможено JavaScript за да ја видите.
Потребни документи за упис
1. извод од матична книга на родени
2. потврда за примени вакцини од надлежни институции
3. потврда за офталмолошки преглед
4. потврда од матичен стоматолог
Сите документи ќе можете да ги доставите во педагошко-психолошката служба, откако ќе се создадат услови за тоа, а најдоцна до август 2020 година, за што ќе бидете благовремено известени. Треба да бидеме силни и самодисциплинирани, да направиме социјална дистанца, се со цел да го заштитиме сопственото, но и здравјето на другите луѓе.
Ви благодарам за соработката.
Со почит
Директор
Вилма Поповиќ
** Помош за пополнување на апликацијата:
Од како ќе ја превземете апликацијата - Апликација_за_упис_на_првачиња.pdf , истата можете да ја отворите и пополните со Adobe Reader или Microsoft Word.
(видете на сликата)
Ако имате било каков проблем при превземање и пополнување на апликацијата, истата може да ја подигнете секој работен ден од 09:00-12:00 во нашето училиште.
Важни информации
ВАЖНИ ИНФОРМАЦИИ
Почитувани ученици и родители,
по добиените насоки од МОН и Општина Центар, а со единствена цел да излеземе во пресрет на нашите ученици од
ООУ „Свети Кирил и Методиј“ Центар, Скопје, Ве известуваме дека секој актив на наставници од I – V одделение и
од VI – IX одделение, подготвува база на податоци, едукативни содржини и е- содржини (линкови) кои ќе ги споделат
на училишната WEB страна.
Целта на овој вид „учење на далечина“ е да се посочат платформи кои овозможуваат пристап до содржини соодветни
на возраста и наставната програма за секое одделение, подобрување на дигиталната интеграција во учењето и
подучувањето, пристап и учење преку отворени образовни ресурси.Сето ова во овој период кога децата
не посетуваат настава, дава поддршка на самоучењето на учениците, врз основа и примена на ИКТ, развива
компетенции на наставниците да користат нови технологии за подобрување на резултатите во наставата,
подобрување и проширување на понудата на висококвалитетни можности за учење, користење на иновативни
начини на информирањање и комуникација.
Оваа е- платформа ќе им овозможи на учениците да совладуваат нови содржини по сите наставни предмети,
да ги повторуваат и утврдуваат стекнатите знаења и истите да ги интегрираат и применуваат во секојдневниот живот.
Едукативно, креативно и корисно да се сублимираат знаењата.
Со почит,
Вилма Поповиќ
Директор на ООУ„Свети Кирил и Методиј“
Центар, Скопје
